KURIOSITATE MODUAN...

KONTRATENOR: MUTILA EDO NESKA?
Kontratenor izaten da gizonezko bat emakumezko bat bezala abesten duenean. Kastratoak abesten zuten bezala abesten dute. Kastratoei buruz pelikula bikaina gomendatzen dut: Farinelli, el castrado.
Hona hemen pelikularen zatitxo bat:

ARIKETAK

Ariketa ugari daude ahotsa lantzeko: bokalizazioa, arnasketa...Zeuk bilatu behar duzu zure gustokoenak eta horiek landu. Aurrera! eta gogoratu, ahotsaren lanketa etengabeko prozesua da; bizitza osoan zehar egin beharrekoa. Egunero egunero ikasi eta landu beharrekoa.

LOS NIÑOS DEL CORO

"Los niños del coro" pelikula nork ez du ikusi? Gelan bideoa ikusteko aukerarik baduzue ipini pelikula hau zeuen ikasleei, eskertuko dizuete eta. Gero, prestatu dezakezue pelikulan agertzen diren abestiak, ez badira guztiak, behintzat ezagunena (eta politena...)

ETA TESITURA GUZTIAK PERTSONA BAKAR BATEAN

BOBBY McFERRINek lau zortziduneko tesitura du. Guztioi gustatuko litzaiguke holako tesitura handia edukitzea ezta? ZORAGARRIA!
Hurrengo bideoan entzuten ditugun ahots GUZTIAK berak egindakoak dira:

BAJO EZ- KLASIKOA

Fijatu zarete ze nolako tesituran abesten duen Boney M-ek? Grabea ezta? Ez dago Boney M bezalako ahots ugaririk, ez pentsa! Bilatu ea zeure gelan dagoen umeren bat bajo tesiturarekin. Ume izanda zaila izango da horrelako ahots grabea edukitzea, oso ahots zorrotza baitute. Baina nerabezarora heltzen direnean ahotsa aldatzen hasten dira gero eta grabeago hitz egiten eta abesten ere (bai mutilek baita neskek ere).

KONTRALTO EZ- KLASIKOA: jazz

Batzuk pentsatzen dute ondo abesteko ezinbestekoa dela ahots zorrotza izatea, hau da da, emakumezkoak soprano izan behar garela eta gizonezkoak tenoreak. Gainera, fijatzen bagara, ia kantoko irakasle guztiak arau hau ere jarraitzen dute: soprano edo tenoreak dira. Baina hauxe, kasualitate hutsa da. Ondo abesteko beharrezkoa da ondo abestea. Berdin dio ze tesituratan egiten duzun. Hurrengo bideoan Nina Simone kontralto tesiturarekin beitu ze polita abesten duten:

SOPRANO EZ- KLASIKOA

Kuriositate moduan entzun hurrengo bideoa, ikusiko duzue nola tesiturak musika estilo guztietan dauden. Hau da, soprando hitza entzuten baduzue ez da izan behar estilo klasikoa derrigorrez.

FONIATRA

Ahotsean arazoak badituzu gomendagarriena da foniatra batekin kontsultatzea. Ez baduzue foniatrarik ezagutzen, interneten bilatu dezakezue eskumako zutabean ipinitako helbidean. Hor bilatuz, Bilbon dagoen kontsulta bat topatu dut. Zuek berdin egin dezakezue.

DOKUMENTALA

Steven Tyler, Aerosmith taldeko abeslariak, ahotsa gehiegi eta behar den moduan ez erabiltzeagatik,operatu behar izan zen. Hona hemen dokumental zoragarria non ahots korden funtzionamendua, falseteak, etab. primeran azaltzen duten.

AFONIA

Umeek asko oihukatzen dute eta ondorioz ahots arazoak izaten dituzte: afonia izaten da arazo arruntena.
Ez da arraroa izaten kantoko klasean entzutea:

- Andereino, nik nota hori ezin dut abestu,ez naiz heltzen...

Hori gertatzen denean gomendagarria izaten da ez abestea, gehienbat mina sentitzen badute. Ez badute minik sentitzen, izan daiteke tesitura arazo bat, beraz egin dezakete berdina baina zortzidun bat beherago.
Hala ere, garrantzitsuena kantoko klasean da etengabeko hidratazioa, hau da, ura edatea kordak hidratatuta edukitzeko.

KANTOKO IRAKASLEAK

Gure eginbehar nagusia da umeek ahotsa ez fortsatzea. Horregatik entzun behar diegu eta beharrezkoa baldin bada, zuzendu behar diegu. Baina nola? Irakasleok oso adi ibili behar dugu, hainbeste ume egonda gela berean zaila izaten delako denek nola egiten duten zuzentasunez jakitea. Horregatik, gomendagarria da banakako ariketak egitea.

NOLA SAILKATU AHOTSA?

Jakin badakigu, umeen ahotsak desberdinak direnez, bakoitzak bere tesituran abestu behar duela, eta horixe da guk irakasle moduan egin beharreko lana: umeen ahotsak sailkatzea ezaugarri batzuen arabera (tesitura, adina, sexua...).

AHOTSAREN SAILKAPENA

Pertsona bakoitzak bere ahotsa du, horregatik batzuk grabeago abesten dute beste batzuk baino, eta alderantziz, batzuk zorrotzago abesten dute beste batzuk baino. Koro bat prestatu nahi badugu musika gelan, umeen ahotsak sailkatu behar ditugu.

- soprano
- mezzosoprano
- contralto
- tenor
- baritono
- bajo

MUSIKA ESKOLAN

Musika gelan, beste irakasgaietan bezala, konfiantza eta errespetua guztiz bultzatu behar dira. Agian, musikan beste irakasgaietan baino gehiago, hemen, umeak imitatu, adierazi edota sortu behar duelako.

Baina, nola hasten gara umeekin abesten? Hasteko, esan beharra dago, guztiok ondo abestu dezakegula. Ume batek ez badu ondo abesten ez da izango "torpea" delako edo ez delako gai abesteko. Txarto abesten badu izango da gure erruagatik; guk ez diogulako berak behar dituen azalpenak edo mekanismoak ematen. Arnasketa izango da garrantzitsuena. Ondo arnastu beharra dago ahotsa ondo eta barrutik atera dezagun.

LOTSA

Normalean, umeek ez dutenean ondo abesten ez da ez dakitelako, edo ez dutelako ahotsik. Arazo nagusia gehienetan lotsa da. Lotsa sentitzen duzunean, edota ez zarenean seguru sentitzen edozein testuingurutan, ez duzu zuk ahal duzun guztia kanporatzen. Horregatik, klasean ume bat, beste umeen aurrean abestu baino lehen,prest egon behar da; seguru sentitu behar da, alegia.

Hona hemen, besteen aurrean abestu baino lehen, klasean egin beharreko ariketa edo jolasak:

- imitazio jolasak
- antzerkiak
- ahozkoak
- elkar-ezagutzeko jolasak
- ...

Azken finean, konfiantza eta errespetu giroa sortu behar dugu irakasleok, umea eroso sentitu dadin.

AHOTSA ETA SENTIMENDUAK ELKARREKIN BETI