DIAFRAGMA ERABILTZEN IKASTEN

Ahotsa zaintzeko lehenbailehen ikasi beharko genuke soinua diafragmatik ateratzen. Baina nola??

Hona hemen, ariketa batzuk arnasketa diafragmatikoa egiten ikasteko:

DISFONIA, AHOTSAREN ARAZOA

Disfonia, ahotsaren kalitatean ematen den aldaketa edo arazoa dela esan dezakegu. Aldaketa hori zenbait parametrotan eman daiteke:

1. Tinbrean: ahotsan airea edukitzea, adibidez.
2. Frekuentzian edo Altueran: tesitura oso mugatua izatea, graberanzko joera.
3. Intentsitatea: fuerte abestea.

Fonazio aparatua gaizki badabil (ahots inpostazio desegokia, tesitura desegokien erabilera, bolumen desegokiak, erresonantzi desegokiak...) disfonia funtzionala dagoela esan dezakegu. Ahotsaren erabilera desegokiak edo gehiegizko erabilerak, noduloak sor ditzake, eta orduan tratamendu foniatrikoa behar da. Are gehiago, noduluak gogortzen badira kirurgiara jo behar da.

Bestalde, disfonia organikoa ere sor daiteke, hau da, gure organismoaren disfuntzioetatik ondorioztatzen den disfonia. Hauxe, era desberdinetan eman daiteke:

1. Hanturazkoak: inflamatorioak (faringitis, laringitis...)
2. Kaltegarriak: intubazioaren ondoriozkoak...
3. Psikologikoak: desoreka emozionalak, depresioa...
4. Hormonalak
5. Neuromuskularrak

"Beti ere hobe delako gaixotasuna prebenitzea osatzea baino, hau guzti hau blog honetan zuentzako"

AHOTS HIGIENEA. GOMENDIOAK

Orokorrean esan daiteke asko, azkar eta fuerte hitz egiten dela. Hona hemen oinarrizko gomedio batzuk AHOTSA ondo erabiltzeko:

1. Sudurretik arnastea
2. Tenperatura aldaketa handiak saihestea
3. Ez erretzea, ez edatea
4. Dieta orekatu eta osasuntsua eramatea
5. Bazkalondo eta afalondoetan ez abestea
6. Arnasketa ariketak egitea
7. Kirola egitea gorputza oxigenatzeko
8. Kanpoan bokalizaziorik ez egitea, ahotsa ez fortsatzeko
9. Toki zaratatsuetan ez abestea
10. Hotzeri edo marranta (ronquera) dugunean ez abestea.
11. Atsedena hartzea eta ondo lo egitea beharrezkoak dira ondo abesteko
12. Beti norberaren tesituran abestea

Ahotsean airea edukitzea ahots arazoaren lehen sintoma izan daiteke. Ahotsa garbia izan behar da, dena soinua izan behar da.

EZ OIHUKATU!!!!!

Oihuak ekiditu behar ditugu ahal den neurrian.